लक्ष्मी ग्रुपले आफूले आयात गर्ने चर्चित सवारी ब्राण्डहरुको विशेष प्रदर्शनी आयोजना गर्ने भएको छ । लक्ष्मी ग्रुपको अटोमोटिभ डिभिजनले आफ्ना ग्राहकलाई लक्षित गरी ‘लाक्सपेरिएन्स’ नामक प्रदर्शनी आयोजना गर्न लागेको हो ।
कम्पनीले भदौ ७ र ८ गते काठमाडौँको गैह्रीधारास्थित सिल्भर ओकमा ‘लक्सपेरियन्स’ आयोजना गर्न लागेको हो ।
दुइ दिनसम्म बिहान ११ः०० बजेदेखि साँझ ६ः०० बजेसम्म सञ्चालन हुने प्रदर्शनीमा हुन्डाई, बीएमडब्लू, फोरथिङ र केई ब्राण्डका कारहरु राखिने कम्पनीले जनाएको छ ।
‘लक्सपेरियन्स’मा नयाँ कार खरिद गर्न वा पुरानो कार सट्टापट्टाको सुविधा उपलब्ध हुनेछ । कार एक्स्जेन्जमा तत्काल मूल्यांकन, लोयल्टी बोनस, फाइनान्सिङ र इन्स्योरेन्स सुविधा पनि ग्राहकले पाउने छन् ।
कम्पनीले लाक्सपेरिएन्सलाई गाडीको प्रदर्शनी मात्र नभएर एक पूर्ण मनोरञ्जनात्मक उत्सवका रूपमा प्रस्तुत गरिएको जनाएको छ ।
बीएमडब्ल्यू एक्सपिरेन्स ड्राइभ अन्तगर्त बीएमडब्ल्यूका सवारी साधन चलाएर अनुभव लिन पाइनेछ । कार्यक्रममा सहभागी हुनेहरूका लागि आकर्षक उपहार र पुरस्कारहरूको व्यवस्था गरिएको छ।
स्विमिङ र किड्स जोनः परिवारका लागि निःशुल्क पौडी खेल्ने सुविधा र बच्चाहरूका लागि विशेष किड्स जोनको व्यवस्था गरिएको छ । नेल आर्ट, मेहेन्दी सुविधा पनि राखिएको छ ।
