सुजुकी गाडीको नेपालको लागि आधिकारिक बिक्रेता सीजी मोटोकर्पले सुजुकीको पहिलो इलेक्ट्रीक एसयूभी ई–भिटारा नेपालमा सार्वजनिक गरेको छ । कम्पनीले नाडा अटो शो २०२५ का अवसरमा ई–भिटारा लन्च गरेको हो ।
ई–भिटारालाई सीजीले दुई मोटर क्षमतामा नेपाल भित्र्याइएको छ । १०५.८ किलोवाट क्षमताको मोडलमा ४९ किलोवाट आवरको ब्याट्री रहनेछ भने १२८ किलोवाट क्षमताको मोडलमा ६१ किलोवाट आवरको ब्याट्री छ । कम्पनीका अनुसार यस ईभीले ५ सय किलोमिटर सम्मको रेन्ज दिने छ ।
यसमा १८ इन्चको टायर छ भने यसको ग्राउन्ड क्लियरेन्स १८० एमएम छ । आधुनिक विशेषताले भरिपूर्ण यसको डेलिभरी भने अक्टोबरदेखि हुनेछ ।
कम्पनीले दशैं–तिहारलाई लक्षित गर्दै ‘सुजुकी पर्वोत्सव अफर’ पनि ल्याएको छ । यस अफरअन्तर्गत ग्राहकले ६ लाख रुपैयाँसम्म नगद छुट पाउने छन् । साथै, एक वर्षसम्मको बीमा, छ वर्षसम्म निःशुल्क एच पार्ट्स, २ लाख रुपैयाँसम्मको एक्सचेन्ज बोनस पनि प्राप्त हुनेछ ।
यति मात्रै नभई, अटो शो अवधिभर खरिद गर्ने ग्राहकले स्क्र्याच कार्डमार्फत थप १ लाख रुपैयाँसम्मको छुट पनि पाउनेछन् । साथै, १० जना भाग्यशाली ग्राहकले एक–एक तोला सुन जित्ने मौका पनि पाउनेछन् ।
