वाणिज्य आपुर्ति तथा उपभोक्ता हित संरक्षण विभागले दीपल, सेरेस र नामी ईभीको बिक्रीमा लगाएको रोक फुकुवा गरेको छ । विभागले चैत २० गते एमएडब्ल्यू वृद्धि मोटर्स (काठमाडौं–११) र एमएडब्ल्यू वृद्धि अटोकर्प प्रा.लि. (काठमाडौं–११) लाई बिक्री वितरण रोकेर आवश्यक कागजात बुझाउन निर्देशन दिएको थियो ।
त्यसपछि एमएडब्ल्यू वृद्धिले नेपालमा आयात र बिक्री गर्दै आएका दिपल, सेरेस र नामी ब्रान्डका ईभी गाडीको बिक्री रोकिएको थियो ।
एमएडब्ल्यू वृद्धिले आवश्यक कागजात बुझाएपछि विभागले बिक्री वितरण फुकुवा गरेको हो ।
