चालु आर्थिक वर्षको ५ महिनाको अवधिमा साढे ४ हजार विद्युतीय गाडी नेपाल भित्रिएका छन्। चालू आर्थिक वर्ष २०८१/०८२ को ५ महिना (साउन देखि मंसिरसम्म)मा ४ हजार ६९७ युनिट ४ पाङ्ग्रे सवारीसाधन आयात भएका हुन् ।
भन्सार विभागले सार्वजनिक गरेको चालु आर्थिक वर्षको ५ महिनाको तथ्यांकअनुसार यस अवधिमा कार जिप र भ्यान गरी ११ अर्ब २७ करोड रुपैयाँ बराबरका विद्युतीय गाडी नेपाल भित्रिएका हुन् । यस बापत सरकारले ६ अर्ब ९६ करोड २८ लाख रुपैयाँ राजस्व प्राप्त गरेको छ ।
गत आर्थिक २०८०/०८१ को यस अवधिमा ९ अर्ब १० करोड रुपैयाँ बराबरका ३ हजार ६८६ युनिट ईभी पाल भित्रिएका थिए । गत वर्षको यहीँ अवधिको तुलनामा यस वर्षको सोही अवधिमा नेपाल भित्रिएका ईभीको संख्या १ हजार ११ युनिटले बढी हो ।
