एमजी मोटर्स नेपालले ‘एमजी विन्टर कार्निभल २०२४’ आयोजना गर्ने भएको छ । कम्पनीले पुस ५ देखि ७ गतेसम्म बालुवाटारको सिल्भर ओकमा आयोजना गर्ने उक्त मेलामा एमजी, माज्दा, म्याक्सस र विलिङ जस्ता लक्जरी अटोमोबाइल ब्रान्डहरू प्रदर्शनीमा राखिने छ ।
मेलामा सहभागीले प्रिमियम गाडीहरूको अवलोकन, टेष्ट ड्राइभ, पुराना गाडीसँग नयाँ गाडी एक्सचेन्जको सुविधा पाउनेछन् । कम्पनीका अनुसार ग्राहकले कुनै पनि लक्जरी गाडीमा अपग्रेड र एक्सचेन्ज गर्दा १० लाख रुपैयाँसम्मको एक्सचेन्ज बोनस पनि प्राप्त गर्नेछन् ।
अन द स्पट फाइनान्सिङ, टेस्ट ड्राइभ र सांगितिक मनोरञ्जन समेत प्राप्त गर्ने कम्पनीले जनाएको छ ।
सो कार्निभलमा शनिबार आयोजना हुने नेपाल प्रिमियर लिगको फाइनल खेल पनि लाइभ देखाइनेछ ।
