सरकारले कृषि अनुदान लगेर काम नगर्नेको सूची सार्वजनिक गर्ने तयारी थालेको छ । कृषि तथा पशुपन्छी विकासमन्त्री रामनाथ अधिकारीले ठूलो मात्रामा अनुदान लगेर काम नगर्नेहरूको सूचि सार्वजनिक गर्ने बताएका हुन् ।
मन्त्री अधिकारीले ठूलो परिमाणमा अनुदान लैजानेहरुले कुनै काम गरेको नदेखिएको बताउँदै उनीहरुको सूची सार्वजनिक गर्ने तयारी थालिएको बताएका हुन् ।
‘कृषि मन्त्रालयले पछिल्लो अर्बौ रुपैयाँ अनुदान दिएको रहेछ, २०÷२५ लाखको कुरा होइन, ठूलो परिमाणमा अनुदान लिनेको जरोकिलो केही पनि छैन’, मन्त्री अधिकारीले भने, ‘यो खोजी गरेर सार्वजनिक गर्नुपर्छ भनेर मन्त्रालयलाई अह्राएको छु । केही दिनमा यो सार्वजनिक हुन्छ ।’
