दुबईको ‘वल्र्ड ट्रेड सेन्टर’मा आयोजना हुने अन्तर्राष्ट्रिय मेलामा नेपालबाट सहभागीता जनाउँदा प्रदर्शनीमा राख्न सकिने सम्भावित वस्तुहरुबारे नेपाल उद्योग वाणिज्य महासंघको कृषि उद्यम केन्द्रले छलफल गरेको छ । नोभेम्बर १८ देखि २० सम्म आयोजना हुने उक्त अन्तर्राष्ट्रिय मेलामा नेपालबाट सम्भावित वस्तुहरुको छनोट गरि सहभागीता जनाउने उदेश्यले केन्द्रले ‘फूड एण्ड एग्रिकल्चर अर्गनाइजेशन नेपाल’को सहयोगमा छलफल गरेको हो ।
छलफल कार्यक्रमको अध्यक्षसमेत रहेका केन्द्रका सभापति डी.बी. बस्नेतले कृषी उद्यम केन्द्र कृषी उद्यमीहरुको व्यवसाय प्रवद्र्धनका लागि प्रतिवद्ध रहेको बताउँदै दुबईमा हुने मेला नेपालका निर्यातजन्य कृषी वस्तुहरुको प्रचार प्रसार, प्रवद्र्धन र बजारीकरणका लागि फलदायी हुने देखिएको बताए । उनले यसकारण उक्त मेलामा सक्रियतापूर्वक सहभागीता जनाउन उद्यम व्यवसायीलाई अनुरोध गर्दै यसका लागि केन्द्रले सहयोग गर्ने प्रतिवद्धता जनाए ।
केन्द्रका सह–सभापति राजकुमार कार्कीले नेपाली व्यवसायीहरुका लागि दुबई मेला खाडी क्षेत्रमा व्यवसाय प्रवद्र्धन गर्ने राम्रो अवसर हुने विश्वास व्यक्त गरे ।
अलैँची, चिया, अदुवा, मह, जडिबुटीसहित अर्गानिक वस्तुसँग सम्बन्धित २९ भन्दा बढी सरोकारवालाहरु सहभागी उक्त छलफल कार्यक्रममा दुबई मेलामा सहभागी हुनका लागि तोकिएका प्रावधान र मापदण्डबारे फूड एण्ड एग्रिकल्चर अर्गनाइजेशनका सिनियर कन्सल्ट्यान्ट डिल्ली शर्माले जानकारी गराए । उनका अनुसार सो मेलामा विभिन्न देशका १० हजार भन्दा बढी स्टलहरु रहने छन् । शर्माले पनि उक्त मेला नेपालका लागि महत्वपूर्ण रहने र नेपाली वस्तुहरुको बजारीकरणका लागि राम्रो अवसर हुने जानकारी गराए ।
अन्तकृया कार्यकबाट कृषी उद्यम केन्द्रका सह‒सभापति राज कुमार कार्कीको संयोजकत्वमा सुमित केडिया, शान्ता बास्कोटा कोइराला, सरस्वती राई र ओमनाथ अधिकारी रहेको व्यवसाय तथा वस्तु छनौट उपसमिति गठन गरिएको छ । उक्त उपसमितिलाई मेलाका लागि सम्भाव्य वस्तुहरु छनौट गर्न सुझाव दिने तथा मेलामा नेपाली व्यवसायीहरुको सहभागिता प्रभावकारी बनाउन अन्य निकायहरुसँग समेत समन्वय तथा सहकार्य गर्ने जिम्मेवारी तोकिएको छ ।
मुलतः नेपालबाट उक्त मेलामा अलैँची, चिया, कफी, दुध, मह, जडिबुटी आदि बस्तुहरुसँग सम्बन्धित व्यवसायिक उत्पादनहरु प्रदर्शनीमा राख्ने लक्ष्य लिइएको छ । मेला आयोजकले उपलब्ध गराउने स्थानमा “नेपाल प्याभिलेन” स्थापना गरि सम्भाव्य वस्तुहरु राखिने केन्द्रका सह‒सभापति राज कुमार कार्कीले बताए ।
