नेपाल स्टक एक्सचेञ्ज नेप्सेमा मनकामना स्मार्ट लघुवित्तको शेयर कारोबार रोक्का भएको छ। २०८१ असार २४ गतेदेखि लागु हुने गरि कम्पनीको शेयर कारोबार रोक्का भएको हो।
मनकामना स्मार्ट लघुवित्तलाई समता घरेलु लघुवित्तले प्राप्ति गरि असार २४ गते देखि समता घरेलु लघुवित्तको नामबाट एकिकृत कारोबार शुरु गर्दै छ । धितोपत्र दर्ता गराएका संगठित संस्था एकआपसमा गाभ्ने/गाभिने तथा प्राप्ति सम्बन्धी निर्देशिका, २०७९ को दफा ९(३) बमोजिम लक्षित संस्था मनकामना स्मार्ट लघुवित्तको शेयर कारोबार रोक्का गरिएको हो ।
समता घरेलु लघुवित्तले मनकामना स्मार्ट लघुवित्तलाई गाभ्ने सम्झौतामा गत २०८० भदौ ७ गते हस्ताक्षर भएको थियो । यी दुबै कम्पनीलाई नेपाल राष्ट्र बैंकले २०८१ जेठ २९ गते र नेपाल धितोपत्र बोर्डले २०८१ असार ९ गते प्राप्ति सम्बन्धी अन्तिम स्वीकृति दिएको थियो ।
