आज सोमबार शेयर बजार परिसूचक नेप्से दोहोरो अंकले घटेको छ। आजको गिरावटपछि नेप्से सूचक २६०० को बिन्दुबाट पनि तल झरेको छ। आज नेप्से सूचक १९.१३ अंकले घटेर २५९९.५६ को बिन्दुमा पुगेको हो।
आज कारोबारमा आएका ३५० कम्पनीका ८५ लाख ७२ हजार ९ सय ७० कित्ता शेयर खरिद बिक्रीबाट ३ अर्ब २३ करोड ९७ लाखको कारोबार भएको छ। जस मध्ये रिलायन्स स्पिनिंग मिल्सको सर्वाधिक १२ करोड ७२ लाखको कारोबार भएको छ भने सोलु हाइड्रोपावरको ११ करोड ८८ लाखको कारोबार भएको छ।
आज आज सर्वोत्तम पेन्ट्सको शेयर मूल्य सर्वाधिक १४.९९ प्रतिशतले बढेको छ भने धौलागिरी लघुवित्तको शेयर मूल्य ११.९८ प्रतिशतले बढेको छ। त्यस्तै सीवाईसी नेपाल लघुवित्तको शेयर मूल्य ९.१४ प्रतिशत बढेको छ।
आज कारोबारमा आएका मध्ये पन्चकन्या माई हाइड्रोको शेयर मूल्य ९.८३ प्रतिशत तथा विन नेपाल लघुवित्तको शेयर मूल्य ८.६७ प्रतिशत घटेको छ।
आज कारोबारमा आएका सबै समुहगत उपसूचक घटेका छन् । जस मध्ये हाइड्रो समूह सर्वाधिक १.१९ प्रतिशत घटेको छ।
