किसान लघुवित्त वित्तीय संस्था लिमिटेड र जाल्पा सामुदायिक लघुवित्त वित्तीय संस्था लिमिटेड एक आपसमा गाभिएर २०८१ साल असार २७ गतेबाट एकीकृत वित्तीय कारोबार सुरु गर्ने भएका छन् । दुवै संस्था मर्ज भएर मातृभूमि लघुवित्त वित्तीय संस्था लिमिटेडको नामबाट एकिकृत कारोबार हुन लागेको हो।
मर्जर पश्चात कम्पनीको केन्द्रीय कार्यालय हाल किसन लघुवित्तको कार्यालय रहेको स्थान कैलालीको लम्किचुहामा रहने छ भने कर्पोरेट कार्यालय काठमाडौँको बुढानिलकण्ठमा रहने छ ।
साथै, २०८१ साल असार २७ गतेदेखि दुवै संस्थाको एकीकृत कारोबार शुरु गरिने भएको हुँदा Data Migration प्रयोजनका लागि २०८१ साल असार २६ गतेका दिन दुईवटै वित्तीय संस्थाद्वारा प्रदान गर्दै आईरहेको सम्पूर्ण बैंकिङ्ग कारोबार बन्द रहने छ ।
दुवै संस्थाको मर्जरलाई नेपाल राष्ट्र बैंकले २०८१ जेठ २९ गते अन्तिम स्वीकृति दिएको थियो ।
