नेपाल इन्फ्रास्ट्रकचर बैंक निफ्राले साधारणसभा आह्वान गरेको छ । बैंकले पुस ४ गते साधारणसभा आह्वान गरेको हो ।
बैंकले साधारणसभा प्रयोजनको लागि मङ्सिर २१ गते बुक क्लोज गर्ने निर्णय गरेको छ। मङ्सिर २० गतेसम्म कायम शेयरधनीले मात्र कम्पनीको सभामा भाग लिन सक्ने छन् । कम्पनीले लाभांश प्रस्ताव गरेको छैन ।
यस्ता छन् कम्पनीको सभामा पेश हुने प्रस्ताव:
१. आर्थिक बर्ष २०८० / ८१ को सञ्चालक समितिको प्रतिवेदन माथि छलफल गरी पारित गर्ने ।
२. बैंकको पाँचौं वार्षिक साधारणसभाबाट आ.व. २०८०/८१ को बैंकको लेखापरीक्षकमा M/S KA.S. Associates, Chartered Accountants नियुक्त भएकोमा उक्त फर्म र M/S. BRS Neupane & Co., Chartered Accountants बीच मर्जर भई आ.व. २०८०/८१ को लेखापरीक्षण मर्जर पछिको नयाँ फर्म M/S. BRS Neupane & Co, Chartered Accountants बाट गरिएको विषय अनुमोदन गर्ने । साथै लेखापरीक्षक M/S. BRS Neupane & Co., Chartered Accountants को प्रतिवेदन सहित २०८१ आषाढ मसान्तको वासलात, विस्तृत नाफानोक्सान हिसाब, नगद प्रवाह विवरण, पूँजीमा भएको परिवर्तन लगायत तत्सम्बन्धी अनुसूचीहरु माथि छलफल गरी स्वीकृत गर्ने ।
३. कम्पनी ऐन २०६३ को दफा १११ र बैंक तथा वित्तीय संस्था सम्बन्धी ऐन २०७३ को दफा ६३ अनुसार बैंकको लेखापरीक्षण समितिको सिफारिश बमोजिम आर्थिक वर्ष २०८१ / ८२ को लागि वाह्य लेखापरिक्षक नियुक्त गर्ने र निजको पारिश्रमिक तोक्ने ।
विशेष प्रस्ताव
१. बैंकको प्रबन्धपत्रमा संशोधन / थप गर्ने ।
२. प्रबन्धपत्रमा संशोधन स्वीकृतिको क्रममा नियमनकारी निकायहरुबाट कुनै फेरवदल / थपघट / संशोधन / परिमार्जन गर्न वा मिलाउन वा सो सम्बन्धमा अन्य निर्देशन वा सुझाव प्राप्त भएमा सोही बमोजिम गर्न सञ्चालक समितिलाई पूर्ण अख्तियारी प्रत्यायोजन गर्ने ।
