गुहेश्वरी मर्चेन्ट बैंकिङ्ग एण्ड फाइनान्सको कायम मुकायम प्रमुख कार्यकारी अधिकृत पदमा अर्चना प्रधान नियुक्त भएकी छिन् । कम्पनीको माघ २ गते बसेको संचालक समितिको बैठकले आज माघ ४ गतेबाट लागु हुने गरि प्रधानलाई कायम मुकायम प्रमुख कार्यकारी अधिकृत पदमा नियुक्त गर्ने निर्णय गरेको हो।
फाइनान्सका प्रमुख कार्यकारी अधिकृत तोयाराज अधिकारीले राजीनामा दिएपछि कम्पनीले संस्थामा सहायक महाप्रबन्धक रहेकी प्रधानलाई कामु सीइओ बनाएको हो ।
अधिकारीले गत पुस १७ गते सीइओ पदबाट राजीनामा दिएका थिए। कम्पनीले माघ २ गतेदेखि लागु हुने गरि उनको राजीनामा स्वीकृत गरेको छ।
