आर्थिक वर्ष २०८२/८३ को ६ महिनासम्ममा शेयर धितो कर्जा बढेर डेढ खर्ब नाघेको छ। २०८२ पुस मसान्तसम्ममा शेयर धितो कर्जा बढेर १ खर्ब ५२ अर्ब ८२ करोड पुगेको हो । २०८१ पुसमा यस्तो कर्जा १ खर्ब १३ अर्ब ७७ करोड थियो। समीक्षा अवधिमा शेयर धितोकर्जा ३४.३२ प्रतिशतले बढेको छ ।
कुल शेयर धितो कर्जा मध्ये वाणिज्य बैंकको हिस्सा ८४.८५ प्रतिशत रहेको छ । यस अवधिसम्म वाणिज्य बैंकहरुले १ खर्ब २९ अर्ब ६८ करोड शेयर धितोकर्जा प्रवाह गरेका छन् । विकास बैंकले १९ अर्ब ८६ करोड शेयर धितो कर्जा दिएका छन् भने फाइनान्स कम्पनीले ३ अर्ब २७ करोड बराबरको शेयर धितोकर्जा दिएका छन् ।
विकास बैंकहरु मध्ये मुक्तिनाथ विकास बैंकले सबैभन्दा धेरै ४ अर्ब ५ करोड रुपैयाँ बराबरको शेयर धितोकर्जा प्रदान गरेको छ भने गरिमा विकास बैंकले २ अर्ब ७१ करोड रुपैयाँको शेयर धितोकर्जा प्रदान गरेको छ । त्यस्तै महालक्ष्मी, शाइन रेसुङ्गा र लुम्बिनीले क्रमश २ अर्ब ३४ करोड, २ अर्ब ३२ करोड र २ अर्ब रुपैयाँ बराबरको शेयर धितोकर्जा प्रदान गरेका छन् ।
सिन्धु विकास बैंकले सबै भन्दा कम अर्थात् ८ करोड २५ लाख र सप्तकोशी डेभलपमेन्ट बैंकले १४ करोड ३६ लाख रुपैयाँ बराबरको शेयर धितो कर्जा प्रवाह गरेका छन् । नारायणी, कर्णाली, कर्पोरेट र सालपाले भने शेयर धितोकर्जा प्रवाह गर्ने गरेका छैनन् ।
कुन विकास बैंकको कति ?
