सानिमा बैंकको स्वतन्त्र संचालक पदमा लक्ष्मीप्रपन्न निरौला नियुक्त भएका छन्। बैंकको साउन २३ गते बसेको संचालक समितिको बैठकले निरौलालाई स्वतन्त्र संचालक पदमा नियुक्त गर्ने निर्णय गरेको हो।
उनी मोरङ जिल्ला रतुवामाई नगरपालिका वडा नं. ९ स्थायी ठेगाना भई हाल काठमाण्डौ जिल्ला काठमाण्डौ महानगरपालिका वडा नं. ९, बत्तीसपुतली निवासी हुन्। उनलाई ४ वर्षको लागि बैंकको स्वतन्त्र संचालक पदमा नियुक्त गरिएको बैंकले जनाएको छ।
