एनआईसी एशिया बैंकले नेपाल इन्फ्रास्ट्रकचर बैंक निफ्राको १० लाख कित्ता संस्थापक शेयर लिलाम बढाबढमा बिक्री गर्ने भएको छ । बैंकले आफ्नो स्वामित्वमा रहेको निफ्राको निफ्राको १० लाख कित्ता शेयर आज साउन ८ देखि साउन १५ गतेसम्मको मिति राखेर लिलाम गर्न लागेको हो ।
बैंकले यी शेयरको न्युनतम मूल्य प्रति कित्ता १०१ रुपैयाँ कायम गरेकोले सो वा सो भन्दा बढी मूल्य कायम गरेर लिलामीको शेयरमा आवेदन दिन सकिने छ । हाल कायम संस्थापक शेयरधनी वा जो कोही व्यक्ति वा संस्थाले यस लिलामीको शेयरमा आवेदन दिन सक्ने छन् । यद्यपि आवेदन दिंदा न्युनतम ५ हजार कित्ताको लागि आवेदन दिनु पर्ने छ । शेयर लिलाम प्रक्रियाको लागि एनआईसी एशिया क्यापिटल बिक्री प्रबन्धक रहेको छ ।
आवेदन दिने व्यक्ति वा संस्था नेपाल राष्ट्र बैंकले बैंक तथा वित्तीय संस्थाको संस्थापक शेयर खरिद गर्नको लागि तोकेको फिट एण्ड प्रपर टेस्ट बमोजिम योग्य रहेको हुनु पर्ने छ । साथै कालोसूचीमा नपरेको हुनु पर्ने छ ।
