सिद्धार्थ बैंकले शेयरधनीहरुलाई ५ वर्ष पुरानो लाभांश लिन आउँन आग्रह गरेको छ । बैंकले विभिन्न आ.व. मा वितरण गर्ने निर्णय गरेको नगद लाभांश रकम केही शेयरधनीले हालसम्म पनि बुझि लिन बाँकि रहेकोले शेयरधनी वा नजिकको हकवालाहरुलाई रकम लिन आउँन आग्रह गरेको हो ।
प्रचलित कानुन बमोजिम आवश्यक प्रमाण कागजातहरु सहित एक महिना भित्र बैकको शेयर रजिष्ट्रार सिद्धार्थ क्यापिटल, नारायणचौर नक्साल, काठमाण्डौमा सम्पर्क राख्न बैंकले अनुरोध गरेको छ । नगद लाभांश बुझ्न बाँकी शेयरधनीहरुको विस्तृत सूची बैंकको वेबसाइट राखिएको बैंकले जनाएको छ ।
वार्षिक साधारण सभाले निर्णय गरेको मितिले पाँच वर्षको अवधि समाप्त भएपछि पनि शेयरधनीले बुझि नलिएको लाभांश रकम कम्पनी ऐन, २०६३ को दफा १८३ बमोजिम स्थापना भएको ‘लगानीकर्ता संरक्षण कोष” मा जम्मा गर्नुपर्ने व्यवस्था रहेको छ ।
