नेपाल राष्ट्र बैंकले भोटेकोशी तथा बुढीगण्डकी बाढी प्रभावितलाई केही राहत दिएको छ। राष्ट्र बैंकले भोटेकोशी तथा बुढीगण्डकीको बाढीग्रस्त क्षेत्रमा प्रत्यक्ष असर परेका उद्यम, परियोजना वा व्यवसाय, रसुवा भन्सार नाकाबाट हुने कच्चा पदार्थ, अर्ध-तयारी तथा तयारी मालबस्तुको आयात वा निर्यातमा आधारित व्यवसाय एवं बाढीग्रस्त क्षेत्रमा प्रभावित ऋणीको हकमा किस्ता बुझाउने समय थप गरिदिएको हो ।
जस अनुसार उनीहरुको बिक्री तथा आम्दानी, नगद प्रवाह, जगेडामा रहेको रकम लगायतका ऋणीको वित्तीय अवस्था, आयात एवं निर्यातमा परेको असर र कर्जा सदुपयोगिताको यथार्थपरक विश्लेषण गरी किस्ता भुक्तानी गर्न कठिनाई भएका ऋणीको २०८३ असोज मसान्तमा किस्ता (साँवा र / वा ब्याज) भुक्तानी गर्ने समयावधि इजाजतपत्रप्राप्त संस्थाले २०८३ पुस मसान्तसम्म थप गर्न सकिनेछ।
यसबारेको निर्णय बैंक तथा वित्तीय संस्था आफैले गर्न सक्ने छन् । पूर्वाधार विकास बैंक, वाणिज्य बैंक, विकास बैंक, फाइनान्स र लघुवित्तबाट ऋण लिएकालाई यो व्यवस्था लागु हुनेछ ।
