आज चैत्र २३ गतेदेखि बैंक तथा वित्तीय संस्थाहरु बिहान ९ बजेदेखि नै खुल्ने भएका छन्। सरकारले साताको दुई दिन सार्वजनिक विदा दिने निर्णय गरेपछि नेपाल राष्ट्र बैंकले पनि सोहि अनुसार बैंकिंग समय निर्धारण गरेको हो।
जस अनुसार राष्ट्र बैंकबाट इजाजतपत्रप्राप्त “क”, “ख”, “ग” र “घ” वर्गका बैंक तथा वित्तीय संस्थाहरु, इजाजतपत्रप्राप्त पूर्वाधार विकास बैंक, नेपाल क्लियरिङ हाउस लिमिटेडमा आज चैत २३ गतेदेखि लागू हुने गरी प्रत्येक शनिबार र आइतबार सार्वजनिक बिदा हुने छ।
त्यस्तै सोमबारदेखि शुक्रबारसम्म कार्यालय समय बिहान ९:०० बजेदेखि अपरान्ह ५:०० बजेसम्म हुने छ। तर, कात्तिक १६ गतेदेखि माघ १५ गतेसम्म कार्यालय समय बिहान ९:०० बजेदेखि अपरान्ह ४:०० बजेसम्म हुने छ ।
