भुक्तानी सेवा प्रदायक सिटी वालेट प्रा. लि. र छिटो पैसा प्रा. लि. एक आपसमा मर्ज भएका छन् । मर्जरपछि कम्पनीको नाम “सिटी वालेट प्रा. लि.” रहने छ ।
मर्जरपछि आगामी वैशाख ३ गते देखि ‘सिटी वालेट प्रा. लि.’ को नामबाट एकीकृत कारोबार हुने छ । साविकका संस्थाहरुको सम्पूर्ण सम्पत्ति तथा दायित्व गाभिए पश्चात् बन्ने संस्थामा सर्ने गरी नेपाल राष्ट्र बैंकले स्वीकृति दिइसकेको छ ।
‘भुक्तानी तथा फछ्र्यौट विनियमावली (पहिलो संशोधन, २०८०), २०७७’ को विनियम ३७ को उप– विनियम १३ मा भएको व्यवस्था बमोजिम राष्ट्र बैंकले सर्वसाधारणको जानकारीको सूचना प्रकाशन पनि गरिसकेको छ।
