नेपाल राष्ट्र बैंकका गभर्नर महाप्रसाद अधिकारीले गहन छलफल गरेर मौद्रिक नीति ल्याउने बताएका छन् । नेपाल राष्ट्र बैंकले सार्वजनिक गर्ने आर्थिक वर्ष २०८१/८२ को मौद्रिक नितीको लागि सुझाव दिन महासंघले आयोजना गरेको अन्तरक्रिया कार्यक्रममा गभर्नर अधिकारीले मौद्रिक नीति कस्तो आउँछ अहिले बोल्न नमिल्ने भएपनि गहन छलफल पछि आगामी मौद्रिक नीति आउने बताए।
उनले भने ‘कस्तो नीति कस्तो आउंछ भनेर अगाडी नै बोल्न मिल्दैन , तथ्य तथ्यांकमा आधारित रहेर नीति आउछ, गहन छलफल गरेर नीति आउँछ’।
उनले राष्ट्र बैंकले मौद्रिक नीतिमा सुझाव दिन सल्लाहकार समिति पनि रहेकोले जोखिमभार, ऋणको सीमा लगायतका विषय समितिको सुझाव र गहन छलफलपछि मात्र तय हुने बताए । अर्थतन्त्रको केही पक्ष धेरै सबल रहेको र रियल सेक्टर, निर्माण लगायतका केही क्षेत्रमा दबाब नै रहेकोले अर्थतन्त्रको अवस्था हेरेर अर्थतन्त्र को लागि उपयुक्त हुने नीति ल्याउने उनले उल्लेख गरे । उनले सबै सुझाव महत्वपूर्ण रहेको भए पनि राष्ट्र बैंकले सबै समस्याको समाधान गर्न नसक्ने प्रष्ट पारे ।
उनले ५ करोडसम्मलाई चालू पूँजी कर्जा लागु नहुने प्रष्ट पारे ।
