बैंक तथा वित्तीय संस्थाहरुले अनिवार्य गरिएको निर्देशित क्षेत्रमा कर्जा प्रवाह गर्न थप समय पाएका छन्। नेपाल राष्ट्र बैंकले आज एकिकृत निर्देशन जारी गर्दै समय थप गरेको हो।
नयाँ व्यवस्था अनुसार बैंकहरुले कृषिमा २०८५ असार मसान्तसम्म १५ प्रतिशत कर्जा प्रवाह गरे हुने छ। यस अघि कृषिमा २०८४ असार मसान्तसम्म १५ प्रतिशत कर्जा प्रवाह गरिसक्नु पर्ने व्यवस्था थियो।
त्यस्तै बैंकहरुले लघु, घरेलु, साना एवम् मझ्यौला क्षेत्रमा २०८५ असार मसान्तसम्म १५ प्रतिशत कर्जा प्रवाह गरे हुने छ। यस अघि यो शिर्षकमा २०८४ असार मसान्तसम्म १५ प्रतिशत कर्जा प्रवाह गरिसक्नु पर्ने व्यवस्था थियो।
विकास बैंक र फाइनान्सलाई पनि कृषि, लघु, घरेलु तथा साना उद्यम / व्यवसाय, उर्जा र पर्यटन क्षेत्रमा तोकिएको कर्जा प्रवाह गर्नको लागि १ वर्षको समय थप गरिएको छ।
