सरकारले यहि वैशाख २८ गते संघीय संसदको दुवै सदनको अधिवेशन बोलाउन राष्ट्रपतिलाई सिफारिस गर्ने निर्णय गरेको छ । आज बसेको मन्त्रिपरिषदको बैठकले वैशाख २८ गते दिउँसो २ बजे अधिवेशन बोलाउनको लागि राष्ट्रपति समक्ष सिफारिस गर्ने निर्णय गरिएको सरकारका प्रवक्ता सस्मित पोखरेलले जानकारी दिए।
यस अघि आह्वान भैसकेको संसद अधिवेशन पनि स्थगित गरिएको थियो। संसद अधिवेशन स्थगित गरेर सरकारले ८ वटा अध्यादेश जारी गर्नको लागि राष्ट्रपतिलाई सिफारिस गरेको थियो। राष्ट्रपतिले ८ वटै अध्यादेश जारी गरिसकेका छन् ।
यस संगै सरकारले संसद अधिवेशन आह्वानको लागि सिफारिस गरेको हो । यो संसदको बजेट अधिवेशन हुने छ। आगामी जेठ १५ गते संसदमा अर्थमन्त्रीले आर्थिक वर्ष २०८३/८४ को बजेट पेश गर्ने छन् ।
