आन्तरिक राजश्व विभागको निमित्त महानिर्देशकको जिम्मेवारी सह-सचिव रमेश अर्यालले पाएका छन् ।
अर्थ मन्त्री डा. स्वर्णिम वाग्लेले मन्त्री स्तरीय निर्णय गर्दै रिक्त आन्तरिक राजश्व विभागको महानिर्देशक पदको निमित्तको जिम्मेवारी सोही कार्यालयका सह-सचिव रमेश अर्याललाई तोकेका हुन् ।
उनी विभाग मै उपमहानिर्देशकको जिम्मेवारीमा थिए । विभागमा ४ जना उपमहानिर्देशक रहेकोमा अर्थ मन्त्रालयले अर्याललाई निमित्त महानिर्देशकको जिम्मेवारी दिएको हो।
