गुहेश्वरी मर्चेन्ट बैंकिङ्ग एण्ड फाइनान्सले ऋणपत्र निष्काशन गर्ने भएको छ। फाइनान्सको असार ५ गते बसेको संचालक समितिको बैठकले नेपाल राष्ट्र बैंकको निर्देशन तथा बैंक तथा वित्तीय संस्था सम्बन्धी ऐनमा भएको ब्यवस्था बमोजिम ऋणपत्र निष्काशन गर्ने निर्णय गरेको हो ।
फाइनान्सले प्रति ऋणपत्र रु.१००० को दरले कुल २६ करोड बराबरको २ लाख ६० हजार कित्ता ऋणपत्र निष्काशन गर्ने निर्णय गरेको हो । ८ वर्षे अवधि रहने सो ऋणपत्रमा ९ प्रतिशत ब्याज प्रदान गरिने ब्याज हरेक ६÷६ महिनामा भुक्तानी हुने फाइनान्सले जनाएको छ ।
अन्य नियमकिय प्रावधान पुरा गरी नेपाल राष्ट्र बैंकबाट स्विकृत भए पश्चात ऋणपत्र निष्काशन हुने कम्पनीले उल्लेख गरेको छ ।
