हिमालयन रिइन्स्योरेन्स लिमिटेडले चालु आर्थिक वर्षको पहिलो त्रैमासको अपरिस्कृत वित्तीय विवरण प्रकाशन गरेको छ। प्रकाशित वित्तीय विवरण अनुसारकम्पनीको खुद नाफा २९.२ प्रतिशतले बढेर २२ करोड ६३ लाख पुगेको छ। अघिल्लो आर्थिक वर्षको यसै अवधिमा तुलनामा कम्पनीको खुद नाफा १७ करोड २० लाख मात्रै थियो ।
यस अवधिमा कम्पनीले १ अर्ब ६ करोड प्रिमियम संकलन गरेको छ भने विभिन्न लगानीबाट ३१ करोड २१ लाख आम्दानी गरेको छ। यस अवधिमा कम्पनीले ३८ करोड २० लाख बराबरको दाबी भुक्तानी तिरेको छ।
यस अवधिमा कम्पनीको वार्षिकीकरण गरिएको प्रति शेयर आम्दानी ८ रुपैयाँ ६५ पैसा छ भने प्रति शेयर नेटवर्थ १५९.१६ रुपैयाँ रहेको छ । १० अर्ब ४० करोड चुक्ता पुंजी रहेको कम्पनीको शेयर प्रिमियममा ३ अर्ब १८ करोड तथा रिटेन अर्निंगमा ८१ करोड ९५ लाख रहेको छ ।
यस अवधिमा कम्पनीले १३ अर्ब ६३ करोड दीर्घकालीन लगानी गरेको छ भने अल्पकालिन लगानी ५ अर्ब ४६ करोड रहेको छ ।
