चालु आर्थिक वर्ष २०८१/८२ को प्रथम त्रैमासमा जीवन बीमा कम्पनीहरुले ४१ अर्ब बढीको व्यापार गरेका छन् । २०८१ साउन देखि असोज महिनासम्मको अवधिमा बीमा कम्पनीहरुले कुल ४१ अर्ब ८ करोड १ लाख २८ हजार रुपैयाँ कुल बीमाशुल्क संकलन गरेका हुन् ।
जस मध्ये नेपाल लाइफ इन्स्योरेन्सले सर्वाधिक ११ अर्ब ९९ करोड १४ लाख बराबरको कुल बीमाशुल्क संकलन गरेको छ । त्यस्तै दोस्रो नम्बरमा रहेको नेशनल लाइफ इन्स्योरेन्सले ४ अर्ब ९० करोड कुल बीमाशुल्क संकलन गरेको छ। लाइफ इन्स्योरेन्स कर्पोरेशन र हिमालयन लाइफ इन्स्योरेन्सले क्रमश ४ अर्ब ५७ करोड र ४ अर्ब ३१ करोड कुल बीमाशुल्क संकलन गरेका छन् ।
यस अवधिमा सन नेपाल लाइफ इन्स्योरेन्सले सबै भन्दा कम ९३ करोड २७ लाख तथा रिलायबल नेपाल लाइफ इन्स्योरेन्सले १ अर्ब २० करोड कुल बीमाशुल्क संकलन गरेका छन् ।
हेर्नुस् कुन कम्पनीको बीमाशुल्क संकलन कति ?
