नेपाल पर्यटन बोर्डको प्रमुख कार्यकारी अधिकृतमा तीन जनाको नाम सिफारिस भएको छ । बोर्ड सदस्य तथा संस्कृति, पर्यटन तथा नागरिक उड्डयन मन्त्रालयका सहसचिव इन्दु घिमिरेको संयोजकत्वमा गठन भएको सीईओ छनोट उपसमितिले १४ जना उम्मेदवारमध्येबाट तीन जनाको नाम सिफारिस गरेको स्रोतले बताएको छ ।
उपसमितिले प्रस्ताव गरेका नाममा पूर्वसीईओ दिपकराज जोशी, निवर्तमान सीईओ धञ्जय रेग्मी र ज्ञानेश्वर सिंह महतो छन् ।बोर्डको सञ्चालक समितिले सीईओ नियुक्त गर्नेछ ।
निवर्तमान सीईओ धन्ञ्जय रेग्मीको कार्यकाल २०८० माघ १४ मा सकिएपछि बोर्ड सीईओ बिहीन थियो ।
बोर्डले सीईओका लागि गरेको विज्ञापनमा बोर्डकै कर्मचारीहरु हिक्मतसिंह ऐर, श्रद्धा श्रेष्ठ, सन्तोषविक्रम थापा, लक्ष्मण गौतम र नविन पोखरेलले निवेदन दिएका थिए ।
खुलातर्फ विजय नेपाल, पदम वन, ठाकुर देवकोटा, राजाराम केसी, ज्ञानिन राई, ज्ञानेश्वर महतो, सुर्य बहादुर घिमिरे, ज्ञानेन्द्र अधिकारी, दिपक बास्ताकोटी, चक्सु मल्ल, कमल डोधरी, रामचन्द्र सेढाई, रामराजा गिरिले आवेदन दिएका थिए । बोर्डका निर्वतमान सीइओ डा. धन्ञ्जय रेग्मी र पूर्वसीइओ दिपकराज जोशीसहित २० जनाले निवेदन दिएका थिए ।
