नेपाल लेयर्स कुखुरापालक संघले अण्डाको मूल्य घटाएको छ । एक क्रेटमा २५ देखि ७५ रुपैयाँसम्म मूल्य घटाइएको संघले जनाएको छ ।
घटेको अण्डाको मूल्य सोमबारदेखि लागु भएको छ ।
यसअघि सबैभन्दा ठूलो साइजको अण्डाको मूल्य प्रतिक्रेट ५३० रुपैयाँ, ठूलो अण्डाको मूल्य प्रतिक्रेट ५१० रुपैयाँ, मिडियम साइजको अण्डाको मूल्य प्रतिक्रेट ४९० रुपैयाँ थियो ।
अब सबैभन्दा ठूलो साइज अण्डाको मूल्य प्रतिक्रेट ५ सय रुपैयाँ, ठूलो अण्डाको मूल्य प्रतिक्रेट ४८५ रुपैयाँ र मिडियम साइजको अण्डाको मूल्य प्रतिक्रेट ४१५ रुपैयाँ तोकिएको छ ।
यसैबीच अण्डा ओसारपसार गर्दा फार्मको नाम र ठेगाना उल्लेख भएको नयाँ कार्टुन प्रयोग गर्नुपर्ने व्यवस्था पनि गरिएको छ ।
