डेडिकेटेड तथा ट्रंक लाइनको विद्युत बक्यौता सम्बन्धि विवादमा अध्ययन गरिरहेको प्रतिनिधिसभाको सार्वजनिक लेखा समितिले नेपाल विद्युत प्राधिकरणले बुझाएको टाइम्स अफ डे (टिओडी) मिटरको विवरणको अध्ययन थालेको छ ।
प्राधिकरणले यसअघि बुझाएको १ लाख पृष्ठ लामो विवरण समितिले खोलेको हो । सोमबारबाट लेखा समितिले प्राधिकरणको बुझाएको विवरणको पोका फुकाएर अध्ययन सुरु गरेको हो । समितिका एक सदस्यका अनुसार सोमबार अदालतले दिएका आदेश र निर्णयहरुको अध्ययन गरेको छ । ति सदस्यका अनुसार सबै विवरण हेरिसक्न कम्तिमा एक हप्ताको समय लाग्ने देखिएको छ ।
समितिले प्राधिरकणबाट प्राप्त टिओडी मिटरका विवरण र लगसिट अध्ययन गर्न प्राविधिक झिकाउने तयारी गरेको छ ।
प्राधिकरणले ५ दिन अगाडी टीओडी मिटरको तथ्यांक सहितका विवरणहरु पोका पारेर गाडीमा राखेर समितिमा बुझाएको थियो ।
