नेपाल धितोपत्र बोर्डले नेप्से, सिडिएस, मर्चेन्ट बैंकर, ब्रोकर, योजना व्यवस्थापक र सूचीकृत कम्पनीहरूका लागि विभिन्न निर्देशन जारी गरेको छ । आज मंगलबार बोर्डको नियमन विभागले यी निर्देशन जारी गरेको हो।
बोर्डले नेपालको पूँजी बजारको विकास तथा सुधारको दिशा दिने गरी लागू गरिएको पूँजी बजार विकास मार्गचित्र, २०८३ एवं चालु आ.व. २०८३/८४ को पूँजी बजार नीति तथा कार्यक्रममा तय भएका नियामकीय सुधार तथा विकास कार्यक्रमको कार्यावन्वयनलाई निरन्तरता दिदैं आएको जनाएको छ। सोही क्रममा बोर्डले धितोपत्रको कारोबारलाई सुदृढ, प्रभावकारी तथा विश्वसनीय बनाउन धितोपत्र बजार र धितोपत्र कारोबारको नियमन तथा अनुगमन गर्ने हेतुले विभिन्न निकायलाई निर्देशन जारी गरेको हो।
जस अनुसार बोर्डले नेप्सेलाई १९ बुँदे, सिडिएसलाई ५ बुँदे, मर्चेन्ट बैंकरलाई ३ बुँदे, ब्रोकरलाई ४ बुँदे, योजना व्यवस्थापाकलाई एक बुँदे र सूचीकृत कम्पनीलाई २ बुँदे गरि कुल ३४ वटा निर्देशन दिएको हो । बोर्डले निर्देशनको विवरण वेबसाइटमा पनि सार्वजनिक गरेको छ।
