भाटभटेनी सुपरस्टोर अब २४सैँ घण्टा खुल्ने भएको छ । भाटभटेनीले राधेराधेस्थित सुपरस्टोर अबदेखि २४सैँ घण्टा सञ्चालनमा ल्याउने भएको हो ।
सोमबारदेखि भाटभटेनीको राधेराधे आउटलेट २४सैँ घण्टा खुला रहनेछ ।
भाटभटेनीले यसपछि ललितपुरको कृष्णगल्ली र काठमाडौंको टंगाल स्टोर पनि २४सैँ घण्टा सञ्चालनमा ल्याउनेछ ।
चौबिसै घण्टा स्टोर सञ्चालनका लागि भाटभटेनीले आन्तरिक सुरक्षा प्रबन्ध थप बढाएको छ । राती पनि स्टोर सञ्चालनमा आउने भएपछि यसबारे प्रहरी प्रशासनलाई पनि जानकारी गराइसकिएको भाटभटेनीका प्रमुख सञ्चालन अधिकृत पानु पौडेलले जानकारी दिएका छन् ।
व्यवसायी मिनबहादुर गुरुङले काठमाडौं टंगालबाट सुरु गरेको भाटभटेनी सुपरस्टोरका हाल २७ वटा स्टोर सञ्चालनमा छन् ।
