नागरिक लगानी कोषको कार्यकारी निर्देशक छनोट समितिले ५ जनाको नाम सर्टलिस्ट गरेको छ । छनोट तथा सिफारिस समितिको बिहिबार बसेको बैठकले शैक्षिक योग्यता, कार्यानुभव र व्यवसायिक तथा वित्तीय कार्ययोजनाको मूल्याङ्कनका आधारमा ५ जनाको छोटो सूची निकालेको हो ।
जस अन्तर्गत अर्जुन कुमार गौतम, गोपाल घिमिरे, पर्वत कुमार कार्की, यज्ञ प्रकाश न्यौपाने र समता पन्त भट्ट रहेका छन् ।
अब सिफारिस समितिले उनीहरुको कार्ययोजना प्रस्तुतिकरण र अन्तरवार्ता गर्नेछ । यसका लागि गौतम, घिमिरे, कार्की र न्यौपानेलाई साउन २५ गते तथा भट्टलाई साउन २६ गते बोलाइएको छ ।
