तेह्रथुम पावर कम्पनीले नर्थ समिट हाइड्रोमा लगानी गर्ने भएको छ। कम्पनीको असार १७ गते बसेको संचालक समितिको बैठकले नर्थ समिट हाइड्रोमा लगानी गर्ने निर्णय गरेको हो।
जस अनुसार तेह्रथुम पावरले नर्थ समिट हाइड्रोको रु. १०० मुल्य अंकित भएको एक लाख किता शेयर खरिद गर्ने निर्णय गरेको हो। नर्थ समिट हाइड्रोले लम्जुङ्ग जिल्लाको मर्स्याङ्गदी गाऊँपालिका साविकको वाहुनडाँडा र भुलभुलेमा २१.४ मेगावाटको न्यादी फिदी जलविद्युत आयोजना निर्माण गरिरहेको छ।
यस आयोजना सन् २०२७ को नोभेम्वरमा सम्ममा व्यापारिक उत्पादन शुरु गर्ने योजनामा रहेको छ । उक्त आयोजनाको निमार्ण कार्य सन्तोषजनक रुपमा अगाडी बढेको तथा बजेटको हिसावले समेत तुलनात्मक रुपमा राम्रो रहेको आधारहरुलाई विश्लेषण गरि लगानीको निर्णय गरिएको कम्पनीले जनाएको छ ।
