अटोमोबाइल्स व्यवसायीको छाता संस्था नाडा अटोमोबाइल्स एसोसियशन अफ नेपाल स्थापनाको ५० वर्ष भएको छ । आफ्नो स्वर्ण उत्सव मनाउने क्रममा नाडाले शनिबार ‘वाकाथन’ कार्यक्रम पनि आयोजना गरेको छ ।
दशरथ रङ्गाशालादेखि दरबारमार्गसम्म नाडाका अध्यक्ष सुरेन्द्र उप्रेतीसहित पदाधिकारीहरु, पूर्व अध्यक्षहरु, अटोमोबाइल्स कम्पनीका प्रतिनिधिहरु समेतको सहभागीतामा वाकाथन कार्यक्रम आयोजना गरिएको थियो ।
त्यसपछि नेपाल उद्योग वाणिज्य महासंघका अध्यक्ष अन्जन श्रेष्ठको प्रमुख आतिथ्यतामा आयोजित कार्यक्रममा नाडा स्वर्ण उत्सव समारोह उद्घाटन गरिएको छ । नाडाका अध्यक्ष सुरेन्द्रकुमार उप्रेतीको सभापतित्वमा उद्घाटन समारोहको आयोजना गरिएको हो ।
२०३२ सालमा स्वर्गिय तोलाराम दुगडले काठमाडौं जिल्लामा स्थापना गरेको नाडा अटोमोवाइल्स एशोसिएशन अफ नेपाल आफ्नोे ५०औं वर्षमा आईपुगेको हो । यस अवसरमा नाडाले आफ्ना पूर्व अध्यक्षहरुलाई विशेष सम्मान समेत गरेको छ । यो स्वर्ण उत्सव समारोह अन्तर्गत असार १३ गतेदेखि १९ गतेसम्म सप्ताहव्यापी रुपमा विभिन्न कार्यक्रमहरु सहित राजधानी र ७ वटै प्रदेशहरुमा विभिन्न कार्यक्रमहरु आयोजना गरिने नाडाले जनाएको छ ।
यो ५० बर्षको अवधिमा नाडाले २३ वटा अधिवेशनहरु सम्पन्न गरिसकेको छ भने अहिलेसम्म २१ जना अध्यक्षहरुले नाडाको सफल नेतृत्व समेत गरिसकेका छन् । त्यसैगरी यस अवधिमा नाडाको वार्षिक प्रकाशनको रुपमा ३६औं संस्करणको नाडा अटोमोवाइल ट्रेड डाइरेक्ट्री र ५१औं संस्करणको नाडा अटो न्यूज समेत प्रकाशित गरिसकेको छ । त्यस्तै अहिलेसम्म १८औं संस्करणको नाडा अटो ड्राइभ क्यालेण्डर प्रकाशित गरेको छ भने यही भाद्र महिनामा १८औं संस्करणको नाडा अटो शो समेतको आयोजना गर्ने क्रममा रहेको छ ।
त्यसैगरी नाडा नेपाल उद्योग वाणिज्य महासंघमा आवद्ध वस्तुगत संघहरुमध्ये सो महासंघबाट उत्कृष्ट वस्तुगत एशोसिएशनको पुरस्कारबाट पटक पटक सम्मानित भईसकेको छ ।
यसैगरी, सन् २०१५ देखि क्ष्क्इ ढण्ण्ज्ञस्द्दण्ज्ञछ त्तःक् ऋभचतषष्भम इचनबलष्शबतष्यल को रुपमा स्थापित रहेको छ । नाडाले आफ्नो सामाजिक उत्तरदायित्व अन्तर्गत देशव्यापी रुपमा विभिन्न सामाजिक महत्वका कार्यक्रमहरु सम्पन्न गर्दै विभिन्न राष्ट्रिय विपत्तिहरुमा समेत सहयोगी भूमिका निर्वाह गर्दै आएको छ ।
स्वर्ण उत्सव महोत्सव कार्यक्रमको संयोजन नाडाका उपाध्यक्ष विक्रम सिंघानियाले गरेका थिए भने उक्त कार्यक्रम नाडाका महासचिव मिलनबाबु मल्लले सञ्चालन गरेका थिए ।
