माउण्ट एभरेष्ट पावर डेभलपमेण्ट लिमिटेडले आयोजना प्रभावित स्थानीयलाई निष्काशन गरेको आईपीओ बाँडफाँड भएको छ । बिक्री प्रबन्धक एनआईएमबि एस क्यापिटलले आज बिहान शेयर बाँडफाँड गरेको हो।
कम्पनीले वैशाख १७ गतेदेखि सोलुखुम्बुको सोलु दुध कुण्ड नगरपालिकाका स्थानीयलाई ६ लाख ८० हजार कित्ता शेयर निष्काशन गरेको थियो। यस निष्काशनमा अति प्रभाविततर्फ १५० कित्तासम्म आवेदन दिनेले माग बमोजिम कै शेयर पाएका छन् । त्यो भन्दा बढीको लागि आवेदन दिनेले पनि समान १५० कित्ता शेयर पाएका छन् । २९२ जनाले गोलाप्रथाबाट थप १० कित्ता शेयर पाएका छन् । यसरी अति प्रभाविततर्फ लगानीकर्ताले अधिकतम १६० कित्तासम्म शेयर पाएका छन् ।
त्यस्तै प्रभाविततर्फ ६० कित्तासम्म आवेदन दिनेले माग बमोजिम कै शेयर पाएका छन् । त्यो भन्दा बढीको लागि आवेदन दिनेले पनि समान ६० कित्ता शेयर पाएका छन् । १७७७ जनाले गोलाप्रथाबाट थप १० कित्ता शेयर पाएका छन् । यसरी प्रभाविततर्फ लगानीकर्ताले अधिकतम ७० कित्तासम्म शेयर पाएका छन् । अब कम्पनीले सर्वसाधारणलाई शेयर निष्काशन गर्ने छ ।
नेपाल धितोपत्र बोर्डले वैशाख २ गते कम्पनीलाई आईपीओ निष्काशनको अनुमति दिएको हो । कम्पनीले कुल २५ करोड ८० लाख रुपैयाँ बराबरको २५ लाख ८० हजार कित्ता शेयर निष्काशनको गर्ने छ।
कम्पनीले सोलुखुम्बुमा १२ मेगावाट क्षमताको दुधकुण्ड खोला जलविद्युत आयोजना निर्माण सम्पन्न गरि २०८१ साउनदेखि विद्युत उत्पादन गरिरहेको छ । कम्पनीका अध्यक्ष अर्जुन पौडेल हुन् ।
