केही दिनयता नबिल बैंकले ग्राहकहरुको विवरण मिडियालाई दिएको भन्ने भ्रम छरियो । टंक दाहाल नामक क्रियटरले कान्तिपुरको समाचारलाई लिएर फेसबुकमा लेख्दै नबिलले खाता र कारोबारको विवरण लिक गराएको भन्ने जस्ता विषय उल्लेख गरेका छन् ।
तर, यसको वास्तविकता भने फरक रहेको बैंकले जनाएको छ । सामाजिक सञ्जाल प्लेटफर्ममा नबिलले ग्राहकका कारोबार सम्बन्धि जानकारी चुहावट गराएको भन्ने आरोपमा गहिराईमा पुगेर हेर्ने हो भने कुनैपनि सत्यता देखिँदैन । किनकी, बैंकले सम्बन्धित व्यक्ति बाहेकलाई खाताको विवरणसमेत दिँदैन । बैंकिङ नियम अनुसार त्यसरी दिन मिल्दैन पनि ।
साथै, बैंकका कर्मचारीले पनि बिना कुनै प्रयोजन ग्राहकको विवरण हेर्न मिल्दैन । ग्राहकको विवरण हेर्नका लागि ग्राहक स्वयम् उपस्थित भएर परिचय खुल्ने कागजात देखाउनुपर्छ । त्यसरी माग गरिएको अवस्थामा पनि कुन कर्मचारीले कुन मितिमा कुन प्रयोजनका लागि विवरण हेरेको भन्ने जानकारी बैंकको सीबीएस (कोर बैंकिङ सिस्टम) मा सुरक्षित रेकर्ड रहन्छ । तर, यो तथ्यलाई नबुझी सामाचारको तथ्यलाई बङ्ग्याएर इन्फ्लुयन्सरले सामाजिक सञ्जालमा जथाभावी लेखिदिनाले बैंकमाथि प्रश्न उठ्ने अवस्था सिर्जना भएको छ ।
टंक दाहालको फेसबुक स्टाटसः
जबकी, खातावाला ग्राहक स्वयम् बाहेककले त्यसरी अरुको विवरण लिन सक्ने अवस्था नै हुँदैन । यदि कुनै कारणले नियामक निकायले विवरण माग गरेको खण्डमा भने बैंकले उपलब्ध गराउँछ । त्यसको पनि स्पष्ट कारण र मिति सीबीएस सिस्टममा रेकर्ड रहन्छ ।
यो तथ्यलाई बुझ्न र कुनैपनि खालको भ्रममा नपर्न बैंकले आफ्ना ग्राहकहरुलाई विज्ञप्ति जारी गरेर अनुरोध पनि गरेको छ । साथै, भ्रम फैलाउने व्यक्ति उपर कानुनी उपचारमा जाने समेत बैंकले जनाएको छ ।
