पाकिस्तानको मध्यस्थतामा पाकिस्तानकै राजधानी इस्लामावादमा इरान र अमेरिकाबीच भएको युद्धविराम वार्ता असफल भएको छ । १५ घण्टा लामो समय वार्ता भएपनि कुनै सहमति हुन नसकेको अन्तर्राष्ट्रिय सञ्चार माध्यमले जनाएका छन् ।
वार्तामा सहभागी हुन पाकिस्तान आएका अमेरिकी उपराष्ट्रपति जेडी भान्सले युद्धविराम वार्तामा कुनै सम्झौता नभएको बताएका छन् । उनले कुनै सम्झौता बिना नै आफू अमेरिका फर्किन लागेको उनले बताएका छन् ।
“हामी कुनै सम्झौतामा पुग्न सकेनौं । मलाई लाग्छ, यो अमेरिकाका लागि भन्दा पनि इरानका लागि धेरै खराब समाचार हो” उनले भने ।
गत फेब्रुअरी २८ मा अमेरिका र इजरायलले इरानमाथि आक्रमण सुरु गरेयता युद्ध जारी छ । पाकिस्तानको मध्यस्थतामा अप्रिल ८ मा दुई हप्ताको अस्थायी युद्धविराम लागू भएपछि दुइ पक्षबीच पहिलोपटक ‘फेस टु फेस’ वार्ता भएको हो ।
