राष्ट्रिय स्वतन्त्र पार्टीका बरिष्ठ नेता बालेन्द्र शाह बालेन आज प्रधानमन्त्री पदमा नियुक्त हुँदै छन्। रास्वपाले हिजो उनलाई संसदीय दलको नेता चयन गरेको थियो।
राष्ट्रपति रामचन्द्र पौडेलले निर्वाचनमा एकल बहुमत प्राप्त दलको संसदीय दलको नेताको रुपमा उनलाई प्रधानमन्त्री नियुक्त गर्ने छन् । लगत्तै उनले राष्ट्रपतिबाट प्रधानमन्त्री पदको सपथ लिने छन् ।
सपथ ग्रहणको लागि दिउँसो १२:३४ बजेको शुभ साइत निकालिएको छ। सपथ ग्रहणको क्रममा १०८ जना बटुकद्वारा स्वस्ति–शान्ति वाचन हुने छ भने १०८ जना बौद्ध भिक्षु/लामाद्वारा शुभ–मंगल पाठ हुने छ । साथै ७ वटा शंखबाट शंखनाद हुनेछ ।
लगत्तै अन्य मन्त्रीहरुले पनि सपथ लिने छन् । प्रधानमन्त्रीको सपथ पछि बालेन दिउँसो २:१५ बजे सिंहदरबार गएर पदभार ग्रहण गर्ने छन् । संविधान जारी भएपछि पहिलो पटक संविधान धारा ७६ (१) अनुसार सरकार गठन हुनेछ।
