नेपाल आयल निगमले सवारीसाधनमा जोर विजोर प्रणाली लगाउन र स्कुलहरु बन्द गरेर अनलाइन कक्षा सञ्चालनको निर्णय गर्न सिफारिस गरेको छ । निगमले उद्योग, वाणिज्य तथा आपुर्ति मन्त्रालयलाई यी दुइसहित हप्तामा २ दिन साप्ताहिक बिदा दिन पनि सुझाएको छ ।
निगमका कार्यकारी निर्देशक डा. चण्डिका भट्टका अनुसार सवारी साधनमा जोर विजोर प्रणाली लागू गर्न, स्कुल तथा कलेजमा अनलाइन कक्षा सञ्चालन गर्न र हप्तामा २ दिन बिदा दिन सुझाइएको छ । अब सरकारले यी विकल्पमा छलफल गरेर उपर्युक्त निर्णय लिने उनको भनाइ छ ।
यद्यपी, सरकारले यी तीन वटै विकल्पमा छलफल गरिरहे पनि तत्काल निर्णय हुने सम्भावना भने नरहेको वाणिज्य मन्त्रालय स्रोतले जनाएको छ ।
