राष्ट्रिय स्वतन्त्र पार्टीले केन्द्रीय समितिको बैठक बोलाएको छ । पार्टीले चैत १२ गते ४ बजे पार्टी केन्द्रीय कार्यालयमा केन्द्रीय समितिको बैठक बोलाएको हो ।
सोहि दिन दिउँसो २ बजे नव निर्वाचित सांसदहरुको सपथ हुने छ । नव निर्वाचित सांसदहरुको सपथ लगतै रास्वपाले केन्द्रीय समितिको बैठक बोलाएको हो।
रास्वपाको बैठकले संसदीय दलको नेता चयन गर्ने छ। रास्वपाले वरिष्ठ नेता बालेन्द्र शाहलाई संसदीय दलको नेता चयन गर्न लागेको हो।
संसदीय दलको नेता चयन गरे लगत्तै सो जानकारी राष्ट्रपति कार्यालयमा पठाईने छ । त्यसपछि राष्ट्रपतिले एकल बहुमत प्राप्त पार्टीको संसदीय दलको नेताको रुपमा बालेनलाई प्रधानमन्त्री नियुक्त गर्ने छन् । बालेनले चैत्र १३ गते प्रधानमन्त्रीको सपथ लिने र सोहि दिन मन्त्रिपरिषद गठन गर्ने तयारी गरिएको छ।
