अख्तियार दुरुपयोग अनुसन्धान आयोगले पोखरा क्षेत्रीय अन्तर्राष्ट्रिय विमानस्थलमा भ्रष्ट्राचार भएको भन्दै २१ जना विरुद्द मुद्दा दायर गरेको छ। आयोगले तत्कालीन पर्यटन सचिव केदारबहादुर अधिकारीसहित २१ जना व्यक्ति र दुई कम्पनी विरुद्द मुद्दा दायर गरेको हो।
सो विमानस्थलमा भ्रष्ट्राचार भएको भन्दै आयोगले दोस्रो मुद्दा दायर गरेको हो। अख्तियारले पहिलो मुद्दा दायर गर्दा नै केही विषयमा अनुसन्धान भईरहेकोले छिट्टै दोस्रो मुद्दा दायर हुने बताएको थियो।
आयोगले आज दायर गरेको मुद्दामा संस्कृति, पर्यटन तथा नागरिक उड्डयन मन्त्रालयका तत्कालीन सचिव केदार बहादुर अधिकारीसहित २१ जना र २ वटा कम्पनीलाई प्रतिवादी बनाईएको छ । प्रतिवादीमा नेपाल नागरिक उड्डयन प्राधिकरणका तत्कालीन महानिर्देशकहरू संजिव गौतम र राजन पोखरेल, प्राधिकरणका तत्कालीन उपमहानिर्देशक महेन्द्र सिंह रावल
तथा प्राधिकरणका तत्कालीन निर्देशक स्व.ध्रुवदास भोछिभोया पनि छन् ।
अख्तियारले उनीहरुसंग ४६ करोड १५ लाख ८४ हजार ४३४ रुपैयाँ बिगो माग गरेको छ ।
