राष्ट्रिय स्वतन्त्र पार्टी (रास्वपा) ले समानुपातिक सांसदको नाम टुंगो लगाएको छ। आज बसेको पार्टीको केन्द्रीय सचिवालय बैठकले ५७ जना समानुपातिक सांसदको नाम टुंगो लगाएको हो ।
पार्टी प्रवक्ता मनिष झाले आजको बैठकले समानुपातिकतर्फबाट सांसद बन्ने उम्मेदवारको नाम तय गरेर निर्वाचन आयोगमा पठाउने निर्णय गरेको जानकारी दिएका हुन् । उनका अनुसार खस आर्यबाट १७ जना , जनजातीबाट १६ जना, दलितबाट ८ जना, मुस्लिमबाट ३ जना, मधेशीबाट ९ जना र थारुबाट ४ जना सांसद तय गरिएका छन् । कुल ५७ जना मध्ये ४८ महिला र पुरुष ९ जना रहेको प्रवक्ता झाले बताए। अब पार्टीले पठाएका नामहरु निर्वाचन आयोगले रुजु गर्ने र त्यसपछि मात्र सार्वजनिक गरिने उनले बताए ।
रास्वपाले प्रत्यक्षमा १२५ सिट जितेको छ भने समानुपातिक ५७ जना सांसद हुँदा रास्वपा दुई तिहाई नजिक पुग्ने छ।
