अब आयल निगमले आधा सिलिन्डर ग्यास मात्र बिक्री गर्ने भएको छ। बजारमा खाना पकाउने ग्यासको अभाव देखिएपछि आयल निगमको आज बिहिबार बसेको संचालक समितिको बैठकले शुक्रबारदेखि आधा सिलिण्डर ग्यास मात्र बिक्रि गर्ने निर्णय गरेको हो।
अहिले १४ दशमलव २ किलो ग्यास भएको सिलिण्डर बिक्री हुदै आएको छ। अब भने त्यहि सिलिन्डरमा आधा मात्र अर्थात् ७.१ किलो ग्यास भरेर बिक्री गरिने छ। अहिले पुरै सिलिण्डर ग्यासको मूल्य १९ सय १० रुपैयाँ पर्छ । अब आधा सिलिण्डर ग्यासको मूल्य त्यसको ठिक आधा अर्थात् ९ सय ५५ रुपैयाँ पर्ने छ । आधा सिलिण्डर ग्यास बिक्री गर्दा मूल्य पनि आधा हुने छ भने १४.२ किलो ग्यासले दुई जना उपभोक्तालाई पुग्ने छ।
इरान अमेरिका युद्दका कारण ग्यासको अभाव भएपछि निगमले आधा सिलिण्डर मात्र ग्यास बेच्ने निर्णय गरेको हो। यस अघि नाकाबन्दीको बेलामा पनि यसरी नै आधा सिलिण्डर ग्यास बिक्री गरिएको थियो।
निगमले ग्यासको खपत कम गर्दै खाना पकाउनको लागि बिजुलीको प्रयोग बढाउन पनि आग्रह गरेको छ।
यस अघि : बजारमा ग्यास अभाव, खाना पकाउँदा बिजुलीको प्रयोग बढाउन निगमको आग्रह
