आईपीओ निष्काशनको तयारीमा रहेका दुई वटा होटेल कम्पनी मर्ज हुने भएका छन् । अर्किड होल्डिङ्स लिमिटेड र माउन्टेन ग्लोरी लिमिटेड मर्ज हुने भएका छन् ।
मर्जरपछि बन्ने कम्पनीको नाम अर्किड ग्लोरी लिमिटेड रहने छ। दुवै कम्पनी १:१ को स्वापमा अर्थात् समान हैसियतमा मर्ज हुन लागेका हुन् । मर्जर पश्चात बन्ने कम्पनीको केन्द्रीय कार्यालय काठमाडौँ महानगरपालिका वडा नम्बर १४ मा रहेन छ।
अर्किड होल्डिङ्स लिमिटेडले मर्जरसंग सम्बन्धित एक दर्जन वटा विशेष प्रस्ताव पारित गर्न फागुन १२ गते विशेष साधारणसभा बोलाएको छ।
अर्किड होल्डिङ्सले काठमाडौँको रविभवनमा होटेल क्राउन इम्पेरियल सञ्चालनमा गरिरहेको छ। यो चार तारे होटल हो। माउन्टेन ग्लोरी लिमिटेडले पोखरामा माउन्टेन ग्लोरी फोरेष्ट रिसोर्ट एण्ड स्पा सञ्चालन गर्दै आएको छ।
यी दुवै कम्पनीले आईपीओ निष्काशन प्रक्रिया अगाडि बढाएका थिए । अब भने यी दुई कम्पनी मर्ज भएपछि अर्किड ग्लोरी लिमिटेडको आइपीओ आउने छ ।
