देउराली–जनता फार्मास्युटिकल्स प्रा.लि.ले नयाँ औषधि उद्योग स्थापना गर्ने भएको छ । कम्पनीले भरतपुरमा ४ अर्ब ७५ करोड लगानी गरेरअत्याधुनिक उद्योग स्थापना गर्ने भएको हो ।
फार्मास्युटिकल्सका कार्यकारी निर्देशक हरिभक्त शर्माले भरतपुर महानगरपालिका–१६ मा उद्योग स्थापना गर्नका लागि प्रारम्भिक काम अघि बढिसकेको जानकारी दिए । उनका अनुसार आगामी २ वर्षभित्रमा निर्माणको काम सक्ने लक्ष्य लिइएको छ ।
आउँदो २ महिनाभित्रमा उद्योगको मुख्य संरचनाको काम अघि बढाउने लक्ष्य रहेको छ । उद्योग स्थापना भइसकेपछि उद्योगमा करिब ५५० जनाले प्रत्यक्ष रोजगारी पाउने छन् ।
देउराली–जनता ३५ वर्षदेखि औषधि उत्पादन गर्दै आएको उद्योग हो । हाल कम्पनीले २९६ प्रकारका औषधि उत्पादन गरिरहेको छ ।
हाल कम्पनीको उद्योग काठमाडौँको टोखामा रहेको छ । टोखामा रहेको उद्योग कम्पनीको पहिलो एकाइ हो ।
