बजारमा खाना पकाउने ग्यासको अभाव भएको भन्दै प्रचार भएपछि नेपाल आयल निगमले भारतीय आयल कर्पोरेशनबाट भएको लोडको हिसाबकिताब देखाएको छ । निगमका कार्यकारी निर्देशक डा. चण्डिका भट्टले शनिबार, सोमबार र मंगलबार लोड भएका बुलेट मध्ये केही आइसकेको र केही बाटोमा रहेकाले ग्यासको अभाव नरहेको बताएका हुन् ।
‘हामिलाइ प्रति दिन चाहिने एलपीजी ग्यास ९० वुलेट (अर्थात १ लाख १४ हजार सिलिण्डर) अन्तिम ३ दिनको आईओसीबाट भएको एलपीजी ग्यासको लोडिङ निम्न वमोजिम छ’ उनले भनेका छन्, ‘शनिबारः ११८ वुलेट (अर्थात १४९५०० सिलिण्डर), सोमबार ११५ वुलेट (अर्थात १४५७०० सिलिण्डर), मंगलबारः १३२ वुलेट (अर्थात १६७३०० सिलिण्डर) ।
उनका अनुसार यी मध्ये केही वुलेटहरु बाटोमा रहेको र आजै नेपाल प्रवेश गर्नेछा् । यसकारण अनावश्यक रुपमा ग्यास स्टक नगर्न अनुरोध गर्दै कार्यकारी निर्देशक भट्टले चुनावको अवधिभर पनि अहिलेकै रुपमा ग्यासको आपुर्ति हुने जनाएका छन् ।
