नेपाल बचत तथा ऋण सहकारी केन्द्रीय संघ (नेफ्स्कुन)का अध्यक्ष चन्द्र प्रसाद ढकाल एशियाली ऋण महासंघको कोषाध्यक्षमा निर्वाचित भएका छन् । फेब्रुअरी २ मा बैंककमा सम्पन्न सञ्चालक समितिको बैठकबाट ढकाल कोषाध्यक्षमा निर्वाचिन भएका हुन् ।
यसअघि उक्त महासंघको अध्यक्ष रहेका किम युनसिक नेशनल क्रेडिट युनियन फेडरेशन अफ कोरियमा आफ्नो कार्यकाल पूरा भएपछि बिदा भएका थिए ।
युनसिक अध्यक्ष पदबाट बिदा भएपछि पोलि. म्याज. जेन. दनुकृत कलम्पाकोर्न नयाँ अध्यक्ष बनेका छन् । नयाँ कार्यसमितिको कार्यकाल सन् २०२६ भरी रहेको छ ।
महासंघको प्रथम उपाध्यक्षमा ली चुन फेन, द्वितीय उपाध्यक्षमा डा. वारा साबोन डोमिनिकस, सचिवमा अधिवक्ता सोलेदाद भी. काबान्गिस र कोषाध्यक्षमा चन्द्र ढकाल चयन भएका हुन् ।
