धितोपत्र ब्रोकर्श एशोसिएसन नेपालले नव नियुक्त उपप्रधान तथा अर्थमन्त्री विष्णु प्रसाद पौडेलसँग भेट गरेको छ । एशोसिएसनका अध्यक्ष सागर ढकालको नेतृत्वमा एशोसिएसनका पदाधिकारीहरुले नवनियुक्त अर्थमन्त्री पौडेललाई भेटी बधाई तथा शुभकामना दिएका हुन् ।
सिंहदरबार स्थित मन्त्री पौडेलको कार्यकक्षमा भएको भेटघाटमा एशोसिएसनका तर्फबाट अध्यक्ष सागर ढकालले नवनियुक्त अर्थमन्त्रीबाट पुँजीबजारले यसको सुधार विकासका लागि अग्रगामी नेतृत्वको आशा गरेको बताउँदै उनको सफल कार्यकालको शुभकामना तथा बधाई ज्ञापन गरेका थिए ।
जवाफमा मन्त्री पौडेलले पुँजीबजारको प्रति आफू सकारात्मक रहेको र यस क्षेत्रको विकास र स्थायित्वका लागि आफूले सक्रियता पूर्वक पहल गर्ने बताएको एशोसियसनले जनाएको छ ।
