बाराही हाइड्रोपावर पब्लिक लिमिटेडको दशौँ साधारणसभा सम्पन्न भएको छ। आज भक्तपुरको डोलेश्वर भिलेज रिसोर्टमा साधारणसभा सम्पन्न भएको हो ।
सभाले आर्थिक वर्ष २०८१/०८२ को सञ्चालक समितिको वार्षिक प्रतिवेदन, तथा आर्थिक वर्ष २०८१/०८२ को वासलात, नाफा नोक्सान हिसाब, नगदप्रवाह र अनुसूची सहितको लेखापरीक्षकको प्रतिवेदन पारित गरेको छ । सभाले आर्थिक वर्ष २०८२/०८३ को लागि लेखापरीक्षकको नियुक्ति गर्दै निजको पारिश्रमिक निर्धारण गर्ने प्रस्ताव पनि पारित गरेको छ ।
सभाले हकप्रदबाट प्राप्त रकमको उपयोग तथा हकप्रद जारी गर्ने क्रममा आईपर्ने सम्पूर्ण कार्य गर्न संचालक समितिलाई अख्तियारी पनि दिएको छ।
कम्पनीले बाग्लुंगमा १.५ मेगावाटको ठेउलेखोला जलविद्युत आयोजना निर्माण सम्पन्न गरि २०७५ जेठ ३० गतेबाट विद्युत उत्पादन गरिरहेको छ।
