नेपालको चर्चित टी–२० लिग नेपाल प्रिमियर लिग (एनपीएल) सिजन २ मा विश्व क्रिकेटका दिग्गज ब्याट्सम्यान फाफ डु प्लेसिस आउने भएका छन्। विराटनगर किंग्सले आज शुक्रबार आधिकारिक घोषणा गर्दै दक्षिण अफ्रिकी यी ४० वर्षीय स्टारलाई आफ्नो टिममा भित्र्याएको हो।
यो घोषणाले नेपाली क्रिकेटप्रेमीहरुलाई उत्साहित बनाएको छ। उनको आगमनले एनपीएल २०२५ लाई थप रोचक र अन्तर्राष्ट्रिय स्तरको बनाउने अपेक्षा गरिएको छ।
फाफ आईपिएल (२०१८ र २०२१) मा चेन्नई सुपर किंग्स (सीएसके) सँग दुई पटक च्याम्पियन बने। २०२४ मा सेन्ट लुसिया किंग्स लाई सीपीएल जिताएर कप्तानी गर्दै इतिहास रचे। आरसीबी को कप्तान हुँदा ८३६ रन (२०२२) बनाएर ऑरेंज क्याप जिते। उनी टी–२० मा ११,०००+ रन बनाउने शीर्ष ब्याट्सम्यान मध्ये एक हुन्।
